उद्घोष न्यूज 
दमौली ६ भदौ
मोटरसाइकलको ठक्करबाट बुधबार बिहानमा भीमादमा एक पैदलयात्री महिला सख्त घाइते भएकी छन् । भिमाद नगरपालिका– ६ क्याम्पसरोड वस्ने वर्ष ६२ की विष्णु देवी खनाल घाइते भएकी हुन् । भिमाद नगरपालिका– ७ सितलचौपारी स्थित भित्री सडक खण्डमा गिर्दी खोलाबाट भिमाद बजारतर्फ आउदै गरेको लु ३२ प ८९८१ नम्वरको मोटरसाइकलले उनलाई ठक्कर दिएको हो ।
निज महिलाको भीमाद बजार स्थित भारम मेडिकल हलमा प्राथमिक उपचार पश्चात थप उपचारको लागि गण्डकी मेडिकल कलेज पोखरा रिफर गरिएको प्रहरीले जनाएको छ । मोटरसाइकल र चालक प्रहरीको नियन्त्रणमा लिई थप अनुसन्धान भइरहेको तनहुँका डिएसपी मोहनबहादुर खाँणले जानकारी दिए।
