उद्घोष न्यूज 
तनहुँ
व्यास नगरपालिका कार्यालयद्वारा संचालन भएको एकिकृत घुम्ती सेवा शिविरमा २८ सय २१ जनाले स्वास्थ्य सेवा लिएका छन् । पुष ११ गतेबाट २६ गते सम्म नगरका बिभिन्न वडामा संचालित शिविरमा सो सेवा लिएका हुन् । शिविरमा १८ सय ५ महिला र १ हजार १६ पुरुषले सेवा लिएको व्यास नगरपालिका स्वास्थ्य तथा जनसंख्या शाखा प्रमुख प्रमोद सोतीले बताए ।
शिविरमा बहिरङ्ग सेवा १९ सय ४७ जनाले, सुगर परीक्षण २३ सय २८ जना,मलेरीयाको परीक्षण १०८ जनाले ,एच.आई भि परीक्षण १ सय ६३जनाले,खकार परीक्षण १ सय ५५ जनाले सेवा लिएका थिए । शिविरमा अस्थायी परिवार नियोजनको सेवा २४ जनाले, महिलाहरुको पाठेघरको मुखको क्यान्सर परीक्षण ८ सय ७६ जनाको परीक्षण भएको थियो । वडाबासीलाई घरदैलोमा सेवा उपलव्ध गराउने उद्देश्यले नगरपालिका मातहतका वडाहरुमा निशुल्क शिबिर प्रभावकारी भएको स्वास्थ्य तथा जनसंख्या शाखा प्रमुख सोतीले बताए ।
आफ्नो घरदैलोमा सेवा पाउँदा नगरवासीहरुले खुशी ब्यक्त गरेका थिए । शिविरमा स्वास्थ्यका अलवा भेटेरिनरी,कृषि,ज्येष्ठ नागरिक,आर्युेवेद लगायतका सेवा प्रदान गरिएको थियो । व्यास नगरपालिकाका प्रमुख प्रशासकीय अधिकृत हरिराम नागिलाले नागरिकको आवश्यकता अनुरुप यस्ता शिबिर आयोजना गरी सेवा दिन नगरपालिका सदैव तत्पर रहेको बताए ।
