उद्घोष न्यूज 
दमौली
तनहुँको व्यास नगरपालिका वडा नं ११ मा रहेको तातोपानी प्रावि तथा चण्डेश्वरी आधारभुत बिद्यालयका बिद्यार्थीहरू लाई अन्जु गिरि क्षेत्रीले न्यानो कपडा बितरण गरेकि छन् । ब्यास नगरपालिका वडा नं १० घर भइ बिगत लामो समयदेखि काठमाडौं स्थित टोखा नगरपालिका वडा नं ५ मा बसोबास गर्दै आएकि समाजसेवी क्षेत्रीले ४५ जना बिद्यार्थीलाई न्यानो कपडा बितरण गरेकि हुन् । अधिकांश चेपाङ , दलित , जनजाति पढ्ने सामान्य परिवारका बिद्यार्थीलाई सहयोग गर्न पाएकोमा अन्जुले खुसि ब्यक्त गरिन् । मेरो जन्मथलो तनहुँ नैं भएको र यहि जिल्ला भित्रका गरिब बिद्यार्थीहरू लाई सहयोग गर्ने इच्छा रहे अनुसार सहयोग गरेको उनको भनाइ थियो ।
मुख्य सहयोगी क्षेत्रीले ससाना बिद्यार्थीहरू लाई देख्दा अझै सहयोग गरौँ गरौं लागेको भन्दै भबिस्यमा पनि यस किसिमको सहयोग लिएर आउने बताइन् । मेरो सानो सहयोगले सानासाना बाबुनानिलाइ न्यानो हुन्छ र खुसि मान्दै पढ्न आउने बाताबरण बन्छ भने किन सहयोग नगर्ने १ उनले सहयोग कार्यक्रममा बताइन् । अन्जुले यश अगाडि पनि तनहुँका विभिन्न ठाउँमा सहयोग गर्दै आएकि थिइन् ।
कार्यक्रममा बिद्यालयका प्र अ सान्ता सेढाई कैनिले ससाना बिद्यार्थीहरू लाई न्यानो कपडा लिएर सहयोग गर्न आउनुभएकोमा सहयोगी हातलाइ धन्यवाद दिइन् । सामान्य परिवारका बिद्यार्थीहरू जसलाई न्यानो कपडाको निकै आवस्यकता थियो , त्यो बुझेर स्वेटर लगायतका न्यानो कपडा लिएर काठमाडौं देखि आउनुभएकोमा खुसी लागेको कैनिको भनाइ थियो । बिद्यालय ब्यबस्थापन समितिका अध्यक्ष चित्रबहादुर आलेको अध्यक्षतामा भएको सहयोग कार्यक्रममा स्वतन्त्र पत्रकार संघ काठमाडौंका अध्यक्ष पुष्कर राज पाण्डे , ब्यबसायि सुशील राना , प्रेम रूचाल , आशिष गिरि , लक्ष्मी श्रेष्ठ लगायतले बोलेका थिए । यस्तै चण्डेश्वरी आधारभुत बिद्यालयमा आयोजित सहयोग कार्यक्रममा
चण्डेश्वरी टोलका अध्यक्ष जितमान दुरा , प्रअ मिलन आले , बासुदेव न्यौपाने लगायतका बक्ताहरूले सहयोगी हातप्रति आभार ब्यक्त गरेका थिए । कार्यक्रममा बिद्यार्थीहरूले नृत्य प्रस्तुत गरेका थिए । बिद्यार्थीहरूले न्यानो कपडा पाएपछि खुसि भएका छन् ।
