उद्घोष न्यूज 
दमौली
गजुरे स्वास्थ्य चौकी व्यास–९ मा कार्यरत अनमि प्रजापति कुमाल माथि कुटपिट भएको छ।
कार्यालयमा नै गरेर स्थानीय अश्विना गोदारले कुटपिट गरेको पिडित स्वास्थ्कर्मि कुमालले बताइन् । घाइते कुमालको अहिले दमौली अस्पतालमा उपचार भएको व्यास नगरपालिका जनस्वास्थ्य निरिक्षक लक्ष्मि गुरुङ्गले बताइन् ।
कुमालको हात,आँखामा चोट लागेको अस्पताल श्रोतले जनाएको छ । के कारणले कुटपिट भएको भन्ने बारे आफुले बुझ्दै गरेको व्यास–९ का वडा अध्यक्षले सुरेश थापाले बताए । थापाले स्वास्थ्य चौकीमा गएर एक जनाले कुटपिट गरेको आफुले जानकारी पाएपनि के कसरी भएको भन्ने बारे थाहा नपाएको बताए ।
पिडीत स्वास्थ्यकर्मिले दोषिमाथि कारवाहीको माग गदै जिल्ला प्रहरी कार्यालय तनहुँ उजुरी दिएकी छन् । स्वास्थ्यकर्मि कुमालमाथि आक्रमण गर्ने महिलालाई प्रहरीले नियन्त्रणमा लिएको जिल्ला प्रहरी कार्यालय तनहुँले जनाएको छ । घटनाबारे अनुुसन्धान भइरहेको प्रहरीले बताएको छ ।
