स्थानीय तह निर्वाचनमा व्यास नगरपालिकामा उम्मेदवार दर्ता गराएर उम्मेदवारहरु जनताको शरणमा गएका छन् । व्यासमा ११ जना मेयरपदमा उम्मेदवार भएपनि मुख्य प्रतिष्पर्धा नेपाली कांग्रेसका उम्मेदावर बैकुण्ठ न्यौपाने एमाले–जोशी समहुका उम्मेदवार दिपकराज जोशी र नेकपा माओवादी केन्द्रका उम्मेदवार अतिन्द्र केशरी न्यौपानेको विचमा हुने देखिन्छ ।
सबै भन्दा ठुलो दलको रुपमा रहेको नेपाली कांग्रेसको तर्फबाट व्यास नगरपालिकामा उम्मेदवारको रुपमा रहेका निर्वतमान् मेयरमा बैकुण्ठ न्यौपाने चुनावी प्रतिस्पर्धामा छन् । कांग्रेसका उम्मेदवार न्यौपानेलाई विजयी हुनको लागि आफ्नै संगठको भर छ । अघिल्लो निर्वाचनमा १४ मा १३ वटा वडामा विजयी भएको कांग्रेसले अन्य उम्मेदवार भन्दा आफु अघि रहेको दाबी गर्दै आएको छ । व्यास नगरपालिकामा कांग्रेसको करिब ४४ सय कृयाशिल सदस्य छन् । यी नै सदस्यमा परिचालन गरेर व्यासमा आफ्नो विरासत जोगाउने कांग्रेसको दाबी रहेको छ । कांग्रेसमा टिकट विरणमा ब्यक्त भएका असन्तुसष्टिका स्वरहरु क्रमश मन्द भएकाले आफुहरुको सहज जित हुने कांग्रेसका उम्मेदवारहरुले देखेका छन् भने व्यासमा न्यौपानेले आफ्नो कार्यकालमा गरेका कामका प्रयासले पनि मत बढ्ने दाबी छ । एद्यपी कांग्रेसका पुर्व सह–महामन्त्री गोविन्दराज जोशी समुहले दिपकराज जोशीलाई एमालेसँग तालमेल गरेर उम्मेदवारको रुपमा उभ्याएको छ । एमाललेले पनि मेयरमा दिपकराज जोशीलाई सँगसँगै घरदैलोमा लिएर हिडेको छ । असन्तुष्ट कांग्रेसको मत र एमालेको मतले व्यासमा कांग्रेसको विजयी यात्रमा पुर्ण बिराम लाग्छ की आकलन समेत गरेका छन् । कांग्रेसलाई यतीबेला दिपकराज जोशीको कैचीले के गर्छ ? चासोको बिषय छ ।
एमालेको संगठन,कांग्रेसको असन्तुष्टको मत लिएर यस पटक आफुले उभ्याएको उम्मेदवार विजयी बनाए र तनहुुँ कांग्रेमा गोविन्दराज जोशी आफ्नो गुमेको राजनीतिक शक्ति आर्जन गर्ने अन्तिम र शशक्क्त प्रयासमा जुटेका छन् । उनीहरुले अहिले ५ बर्ष हाल मेयरका उम्मेदवारले गरेको कामको कतिपय बिषयलाई मुद्दा बनाएर निर्वाचनमा मतदताको घरदैलोमा छन् । पुर्व गृहमन्त्री समेत रहेका गोविन्दराज जोशीले चाल्ने हरेक कदम कुटिल र रणनीतिक हुने हुँदा कांग्रेसलाई दिपकको कैची महंगो पर्न सक्छ । यता नेकपा माओावदी केन्द्रबाट उम्मेदवार रहेका अतिन्द्र केशरी न्यौपाने ठुला कम्यूष्टि पार्टीको उम्मेदवार नभएकाले आफ्नो विजयी हुनेमा आशावादी छन् । कांग्रेसको भोट बाडिने र कम्यूनिष्ट रुझान भएका मत आफुले तान्ने न्यौपानेका दाबी छ ।
२०७४ सालमा स्थानीय निर्वाचनमा नेपाली कांग्रेसका उम्मेदवार बैकुण्ठ न्यौपाने १३ हजार६५ मत ल्याएर विजयी भएका थिए । भने एमालेका शंकर नारायण श्रेष्ठले ९हजार ५ सय ९२ मत ल्याएका थिए ।नेकपा माओवादी केन्द्रको मेयरमा उम्मेदवारी थिएन भने उप मेयरमा अतिन्द्र केशरी न्यौपानले ३४ सय ७७ मत ल्याएका थिए । यो विचमा नेकपा एमाले बिभाजन भएर नेकपा एकिकृत समाजवादी बनेको छ समाजवादीको अहिले मेयरमा उम्मेदवार छैन् । समाजवादीले कसलाइृ सहयोग गर्छ त्यो पनि स्पष्ट खुलेको छैन् ।
व्यास नगरपालिकामा मेयर पदका लागि ११ जना प्रतिस्पर्धामा रहेका छन् । राष्ट्रिय प्रजातन्त्र पार्टीबाट दौलत अधिकारी, साझा विवेकशिलबाट रमेश आचार्य लगायत उम्मेदवार रहेका छन् । व्यास नगरपालिका कुल ४७ हजार ५ सय ४२ मतदाता रहेका छन् । २५ हजार १ सय २९ महिला मतदाता र २२ हजार ४ सय १३ पुरुष मतदाता रहेका छन् ।
