उद्घोष न्यूज 
भिमाद
भिमाद नगरपालिका समाजवादी–कांग्रेसका गठबन्धनबाट मेयर र उप मेयर पदका उम्मेदवारहरु गाँउ पसेका छन् । एमालेको किल्लाको रुपमा रहेको भिमादमा नेपाली कांग्रेस, नेकपा एकिकृत समाजवादी, र जनमुक्तिको गठबन्धन रहेको छ । भिमादमा नेकपा एकिकृत समाजवादीको तर्फबाट काजीमान् श्रेष्ठ मयेर र नेपाली कांग्रेसको तर्फबाट मिलन आले उप मेयरको उम्ेमदवार रहेका छन् । एमालेको किल्लाको रुपमा रहेको भिमादमा यसपटक गठबन्धनले कडा टक्कदर दिने बताइएको छ ।
एमालेमा नै लामो समय काम गरेका भिमादका पुराना नेता काजीमान् श्रेष्ठलाई एकिकृत समाजवादीले मेयरमा प्रस्तुत गरेपछि एमालेको अगाडी चुनौती खडा भएको छ । अझ कांग्रेस र जनमुक्तिको समेत साथ पाएको गठबन्धनले वडा स्तरमा समेत तालमेल गरेको छ । मेयर उप मेयर बाहेक गठबन्धनका उम्मेदवारहरु एउटै चुनाव चिन्ह लिएर मैदानमा उठेका छन् । यता भिमादमा एमालेका पुरना नेता दधिराज सुवेदी चुनावी मैदानमा रहेका छन् ।
