उद्घोष न्यूज 
तनहुँ । गण्डकी प्रदेशका तर्फबाट खुलातर्फ नेपाली कांग्रेसको केन्द्रीय सदस्यमा तनहुँका ध्रुव वाग्ले निर्वाचित भएका छन् । वाग्लेले २ हजार ७ सय २० मत पाएर बिजय भएका हुन् । वाग्ले देउवा निकटका रुपमा चिनिन्छन् ।
यस्तै गण्डकी प्रदेशका मुख्यमन्त्री कृष्णचन्द्र नेपाली पोखरेल गण्डकी प्रदेशबाट खुल्ला केन्द्रीय सदस्यमा निर्वाचित भएका छन । मुख्यमन्त्री नेपालीले २ हजार ३ सय ६ मत ल्याएर विजयी भएका हुन् । मुख्यमन्त्री पोखरेल १२ औं महाधिवेशनमा पनि केन्द्रीय सदस्यमा निर्वाचित भएका थिए ।
अहिलेसम्म देउवा पक्षबाट तनहुँका गोविन्द भट्टराई, ध्रुव वाग्ले र शंकर भण्डारी केन्द्रीय सदस्यमा निर्वाचित भएका छन् ।
गण्डकी प्रदेशबाट नेपाली काँग्रेसमा संस्थापन पक्षको बहुमत देखिएको छ । काँग्रेसको १४ औं महाधिवेशनमा गण्डकी प्रदेशमा सभापति शेरबहादुर देउवा (संस्थापन) पक्षका धेरै उमेदवारहरू विजयी भएका हुन् ।
पदाधिकारीमा भने शेखर कोइराला पक्षबाट उमेदवार बनेका धनराज गुरुङ केन्द्रीय उपसभापतिमा निर्वाचित भएका छन् । त्यसैगरी सहमहामन्त्रीमा पनि कोइराला निकट जीवन परियार निर्वाचित भएका छन् ।
