images
images
images

प्रधानन्यायाधीशको राजीनामा माग्दै जिल्ला अदालत तनहुँमा धर्ना

images

तनहुँ । प्रधानन्यायाधीश चोलेन्द्रशमशेर जबराको राजीनामा माग्दै तनहुँका कानुन व्यवसायीले धर्ना दिएका छन् ।

आइतबार नेपाल बार एशोसिएसनको आह्वानमा जिल्ला अदालत तनहुँको परिसरमा कानुन व्यवसायीले प्रधानन्यायाधीशको राजीनामा माग्दै धर्ना दिएका हुन् ।

कानुन व्यवसायीले हातमा कालो पट्टी लगाएर जिल्ला अदालतमा धर्ना दिएका हुन् ।

तनहुँ जिल्ला अदालत बार एशोसिएसनका अध्यक्ष भानुभक्त सुवेदीले आन्दोलनलाई देशव्यापी बनाउँदै जाने बारको निर्णय अनुसार धर्ना थालिएको बताए ।

प्रधानन्यायाधीश जबराले राजीनामा दिन आलटाल गरेपछि बारले आन्दोलन चर्काउँदै देशव्यापी बनाएको छ । संवैधानिक नियुक्ति तथा सरकारमा समेत प्रधानन्यायाधीशले भागबण्डा माग गरेको समाचार प्रकाशमा आएसँगै बार एशोसिएसनले आन्दोलन चर्काएको हो ।

बार एसोसिएसनले १४ कात्तिकदेखि प्रधानन्यायाधीश जबराको राजीनामा माग्दै आन्दोलन गरिरहेको छ ।

images