जुवा खेलिरहेका ४ जना पक्राउ

व्यास

व्यास नगरपालिका १० अधेरी भज्याङ्गमा जुवा खेलिरहेका ४ जना पक्राउ परेका छन् । जिल्ला प्रहरी कार्यालय तनहुँले सोमबार व्यास नगरपालिका वडा नं. १० अधेरीभञ्ज्याङ मनभुजा कुमालको घरमा तास खेलिरहेको अवस्थामा उनीहरुलाई पक्राउ गरेको हो ।

पक्राउ पर्नेहरुमा ५९ बर्षिय टेक बहादुर बराम ,३८ बर्षिय मंगल बहादुर गुरुङ , ४९ बर्षिय बिर बहादुर बराम र ४२ बर्षिय मनभुजा कुमाल रहेका छन् उनीहरुको साथबाट ८० पत्ती तास र नगद ३३ हजार ५ सय १० रुपयाँ सहित नियन्त्रणमा लिएको हो । जिल्ला प्रशासन कार्यालय तनहुँबाट म्याद थप भई अनुसन्धान कार्य भई भइरहेको जिल्ला प्रहरी कार्यालय तनहुँले जनाएको छ ।