images
images
images

जिपि कोइरालाको राष्ट्रिय श्वास प्रश्वास उपचार केन्द्रको संचालक समिति सदस्यमा भण्डारी

images

दमौली

तनहुँको शुक्लागण्डकी नगरपालिका दुलेगौँडामा रहेको जिपि कोइरालाको राष्ट्रिय श्वास प्रश्वास उपचार केन्द्रको संचालक समितिको सदस्यमा दुई जना नियुक्त भएका छन् । हालै उपप्रधानमन्त्री स्तरको निर्णयबाट स्थापनाकालदेखीका संचालक समिति सदस्य रहेका राम भण्डारी संचालक समिति सदस्यमा नियुक्त भएका हुन् । संचालक सदस्य नियुक्त भण्डारी अस्पताल तनहुँ ल्याउन बिशेष पहल गर्ने ब्यक्ती हुन् । भण्डारी अस्पतालको विकासको लागि अस्पतालको नाममा जग्गा ल्याउन नेतृत्वदायी भुमिका रहेको थियो । सेती गंगा सामुदायिक अस्पतालको भवन र त्यहाका कर्मचारी ल्याएर १ सय बेडको अस्पताल संचालन गर्न समेत भण्डारीले महत्वपुर्ण भूमिका खेलेको चर्चा अस्पतालका कर्मचारीहरुले गर्ने गरेका छन् ।

 

कर्मचारीहरुमा भण्डारीको नियुक्तसिँगैै अस्पतालको विकासको गति बढ्ने विश्वास ब्यक्त गरेका छन् । भण्डारी यस अस्पतालको आर्थिक तथा पुर्वाधार समितिको संयोजक भएर कुशलता पुर्वक काम सम्पन्न गरेका ब्यक्ती हुन् । भण्डारी पुर्व उपप्रधानमन्त्री तथा पराष्ट्रमन्त्री सुजता कोइरलाको सल्लाहाकार र बिशेष सहयोगी हुन् । उनी स्पष्ट तथा निडर ब्यक्त रुपमा चिनिन्छन् ।  अस्पतालमा एक बर्ष देखी संचालक समिति सदस्य खाली रहेको थियो । यसैगरी अर्का सदस्यमा पानबहादुर घर्ति नियुक्त भएका छन् ।

अस्पतालको समितिको अध्यक्षमा स्वास्थ्य सेवाका १२ तहको कर्मचारी अध्यक्ष हुने ब्यवस्था रहेको छ भने तनहुँका प्रमुख जिल्ला अधिकारी ,अर्थ मन्त्रालयको प्रतिनिधि , स्वास्थ्य मन्त्रालयको प्रतिनिधि पदेन सदस्य रहने ब्यवस्था रहेको छ । सदस्य मध्ये चिकित्सक मध्येबाट एक जना, स्थानीय महिला र समाजसेवीबाट दुई जना सदस्य रहने ब्यवस्था रहेको छ । समितिको सदस्य सचिव कार्यकारी निर्देशक रहने ब्यवस्था रहेको छ ।

 

नेपाली राजनीतिका शिखरपुरुष तथा पूर्व प्रधानमन्त्री स्वर्गिय गिरीजाप्रसाद कोइरालाको नाममा स्थापना भएको सो अस्पतालले विशेषज्ञ डाक्टरबाट स्वास्थ्य सम्बन्धी उपचार सेवा दिइरहेको छ । अस्पतालमा श्वासप्रश्वास सम्बन्धी रोगमा क्षयरोग, निमोनिया, दम, फोक्सोको क्यान्सर सम्बन्धी रोगहरु समेत बिशेषज्ञ सेवा प्रदान गर्दै आइरहेको छ । पूर्व प्रधानमन्त्री गिरीजाप्रसाद कोइरालाको फोक्सोको क्यान्सरबाट निधन भएकोमा आगामी दिनमा यस्तो समस्याबाट जनताले ज्यान गुमाउन नपरोस भन्ने उदेश्यले स्थापित यस उपचार केन्द्रलाई दक्षिण एसियाको अन्तराष्ट्रिय स्तरमा श्वासप्रश्वास उपचार केन्द्र बनाइने लक्ष्य सरकारको रहेको छ । अस्पतालले तनहुँ लमजुङ, गोर्खा, कास्की, स्याङ्जा लगायतका जिल्लाका विरामीहरुले सेवा पाएका छन् ।

images
उद्घोष न्यूज : Udghosh News
images
SKIP THIS