images
images
images

आँबुखैरेनी गाउँपालिका अध्यक्ष शुक्र चुमानद्वारा आफ्नो जन्मदिनमा स्वर्गीय दाईको नाममा अक्षयकोष स्थापना

images

आँबुखैरेनी । तनहुँको आँबुखैरेनी गाउँपालिका अध्यक्ष शुक्र चुमानले आज परेको आफ्नो जन्मदिनमा स्वर्गीय दाईको स्मृतिमा अक्षयकोष स्थापना गरेको छ । अध्यक्ष चुमानले स्वर्गीय दाजु आकाश चुमानको नाममा आँबुखैरेनी क्याम्पसमा अक्षयकोष स्थापना गरेको हो ।

उनले क्याम्पसका अध्ययनरत विपन्न विद्यार्थीहरुलाई छात्रवृत्ति प्रदान गर्ने गरी अक्षयकोष स्थापना गर्न क्याम्पस प्रमुख बाबुराम देवकोटालाई १ लाख १ हजार १ सय १ रुपैयाँ रकमको चेक प्रदान गरे । चेक प्रदान गर्दै जन्मदिनमा फजुल खर्च गर्नुभन्दा क्याम्पसमा अध्ययनरत विपन्न विद्यार्थीहरुको अध्ययनमा सहयोग पुगोस् भन्ने हेतुले आफ्नो स्वर्गीय दाजुको नाममा अक्षयकोष स्थापना गरिदिएको अध्यक्ष चुमानले बताए ।

अध्यक्ष चुमानको दाजु आकाश चुमानको नेकपा माओवादी केन्द्रले सञ्चालन गरेको सशस्त्र युद्धमा सदाहत भएको थियो ।

images