उद्घोष न्यूज 
पोखरा । नेपाल आदिबासी जनजाति पत्रकार महासंघ (फोनिज) गण्डकी प्रदेशको अध्यक्षमा रुद्रबहादुर श्रीस मगर चयन भएका छन ।
बुधबार पोखरामा सम्पन्न दोस्रो प्रादेशिक महाधिवेशनबाट श्रीस मगर सर्वसम्मत अध्यक्षमा चयन भएका हुन । श्रीस मगर यसअघि फोनिज गण्डकीको महासचिव थिए ।
यस्तै महाधिवेशनबाट उपाध्यक्ष द्वयमा खिमा गुरुङ र सूर्यकुमारी महतो (महिला) चयन भएका छन ।
महासचिवमा धनबहादुर गुरुङ (सुमन), सचिवद्वयमा त्रमशः विजय रानामगर (संगठन) र अर्जुन गाहामगर सुशान्त (संस्थागत) र कोषाध्यक्षमा रत्ना गुरुङलाई चयन भएका छन ।
सदस्यहरुमा क्रमशः गिता रानामगर, कृष्णबहादुर आलेमगर, चेतबहादुर थापामगर (प्रविन), सुरज थापामगर, सुमन थापामगर, शारदा श्रेष्ठ, गणेश गुरुङ (सुरेन), टोपबहादुर रानामगर र मनलाल गुरुङ चयन भएका छन ।
महाधिवेशनको बन्दसत्रले सर्वसम्मत नयाँ नेतृत्व चयन गरेको फोनिज गण्डकी प्रदेश ईन्चार्ज हुम गुरुङले जानकारी दिए ।
अध्यक्ष श्रीस मगरले संगठनको विद्यान अनुसार आफुले काम गर्ने बताए । निष्पक्ष भएर सबैसंगको सहकार्यमा संगठनलाई थप प्रभावकारी बनाउने प्रतिबद्धता व्यक्त गरे ।
उनले प्रदेश भित्रका बाँकी रहेका जिल्लामा फाेनिजकाे शाखा विस्तार अभियानलाई तिब्रता दिने समेत बताए ।
कार्यक्रममा फोनिज संघीय समितिका अध्यक्ष डण्ड गुरुङ, वरिष्ठ उपाध्यक्ष गजुरधन राई, संगठन सचिव मिलन लिम्बू, संघीय समिति सदस्य मिला दराईलगायतको उपस्थिति रहेको थियो ।
कार्यक्रमको उद्घाटन गण्डकी प्रदेशका मुख्यमन्त्री कृष्णचन्द्र नेपाली पोखरेलले गरेका थिए । उनले पत्रकार पुर्वाग्राही नभई प्रतिपक्षको भुमिका निर्वाह गर्नुपर्नेमा जोड दिए ।
सोही उद्घाटन कार्यक्रममा गण्डकी प्रदेशका कानुन, संचार तथा प्रदेशसभा मामिला मन्त्री विन्दुकुमार थापाले प्रदेश सरकारले फोनिजलाई विनियोजन भएको बजेट सदुपयोग भएको भन्दै थप सफलताको शुभकामना व्यक्त गरेका थिए ।
