उद्घोष न्यूज 
पोखरा । बिहीबार आएको हावाहुरीका कारण कास्कीको रुपामा घरका छाना उडाएको छ ।
वडा नम्बर २ स्थित माझकोट लगायत ठाउँमा घरका छाना उडाएको वडाध्यक्ष राजन सुवेदीले जानकारी दिए । उनका अनुसार क्षतिको विवरण संकलन भैसकेको छैन ।
‘क्षतिको विवरण लिइरहेका छौँ । ५ वटा घरमा छाना उडाएको भन्ने खबर छ,’ उनले भने, ‘अन्यत्र पनि यस्तो भएको हुन सक्छ । कसैको टौवा नै उडाइदिएको छ ।’ यस्तै, कास्कीका पूर्वी क्षेत्रमा मकैवालीको निकै धेरै क्षति भएको छ ।
‘किसानले लगाएका मकै सखाप छ । अन्य वाली पनि सकुशल छैन,’ उनले भने । पोखरामा बिहीबार हावाहुरी सहित ठुलो वर्षा भएको थियो ।
