उद्घोष न्यूज 
पोखरा । पोखराबाट लागू पदार्थ ब्राउन सुगर सहित ३ जना पक्राउ परेका छन् । जिल्ला प्रहरी कार्यालय कास्की र लागू औषध नियन्त्रण ब्यूरोबाट खटिएको टोलीले पोखरा १४ बीपीमार्गबाट उनीहरुलाई पक्राउ गरेको हो ।
पक्राउ पर्नेमा पोखरा १३ मियाँपाटन बस्ने ३७ वर्षका बैतुल करिम मियाँ, पोखरा ३१ बस्ने २६ वर्षका अस्मित ढुंगाना र बाँके घर भई पोखरा १३ मियाँबाटन बस्दै आएका अब्दुल कमाल छन् ।
उनीहरुको साथबाट ५ ग्राम ९ सय मिलिग्राम ब्राउन सुगर र २६ हजार नगद बरामद भएको छ । तीनैजनालाई १० दिन म्याद थप गरी अनुसन्धान थालिएको कास्की प्रहरी प्रवक्ता डीएसपी बसन्तकुमार शर्माले बताए ।
