images
images
images

गण्डकीका अर्थमन्त्रीको पहिलो निर्णय स् अर्को वर्ष लगानी सम्मेलन गर्ने

images

पोखरा । गण्डकी प्रदेशका नवनियुक्त अर्थमन्त्री हरिबहादुर चुमानले अर्को वर्ष लगानी सम्मेलन गर्ने टिप्पणीमा हस्ताक्षर गरेका छन् । आइतबार मन्त्रालयको जिम्मेवारी सम्हाल्दै उनले आउँदो वर्ष गण्डकीमा लगानी सम्मेलन गर्ने निर्णय गरे ।

उनले शनिबार अर्थमन्त्रीको जिम्मेवारी पाएका हुन् ।

उनले सम्मेलनको अध्ययन गर्न कार्यदल समेत गठन गरेका छन् । अर्थ मन्त्रालयका सचिव बलराम रिजालको संयोजकत्वमा ७ सदस्यीय समिति गठन गरिएको हो । चुमानले प्रदेशमा औद्योगिक पूर्वाधार विकासमा सरकारले जोड दिने बताए । प्राविधिक कमजोरीलाई टेकेर रातोकिताबका योजना कार्यान्वयन नहुने वातावरण सिर्जना नगर्न कर्मचारीसँग उनको आग्रह छ ।

आगामी आर्थिक वर्षमा परम्परागत बजेट खर्च गर्ने शैलीमा सुधार गर्ने प्रतिबद्धता जनाए । अहिले प्रदेशको पुँजीगत खर्चको अवस्था चिन्ताजनक छ । हालसम्म २९ प्रतिशत बजेट मात्रै खर्च भएको अर्थ मन्त्रालयले जनाएको छ ।

 

images
उद्घोष न्यूज : Udghosh News
images
SKIP THIS