उद्घोष न्यूज 
तनहुँ । नेपाली कांग्रेसको १४औं महाधिवेशनबाट तनहुँका दुई नेता खुलातर्फको केन्द्रीय सदस्य निर्वाचित भएका छन् ।
जिल्लाका शंकर भण्डारी, गोविन्द भट्टराई पुनः केन्द्रीय सदस्यमा निर्वाचित भएका हुन् । केन्द्रिय सदस्यमा निर्वाचित भण्डारीले २ हजार ७६२ मत र भट्टराईले २ हजार ३५० मत पाएका छन ।
भण्डारीले ८औं र भट्टराईले १९औं नम्बरमा केन्द्रिय सदस्यमा निर्वाचित भएका छन ।
यसअघि पनि केन्द्रीय सदस्य नै रहेका तरुण दलको नेतृत्व सम्हालेका भण्डारी र नेविसंघका पूर्वअध्यक्ष गोविन्द भट्टराई पुन: केन्द्रिय सदस्यमा निर्वाचित भएका हुन् । निर्वाचित दुवै केन्द्रिय सदस्य संस्थापन खेमाबाट उम्मेदवार बनेका थिए ।
भट्टराई र त्रिपाठी पराजित
संस्थापनइतर खेमाबाट खुल्ला केन्द्रिय सदस्य लडेका दीपक भट्टराई र आनन्दराज त्रिपाठी भने केन्द्रिय सदस्यमा पराजित भएका छन् । भट्टराईले ६०६ मत र त्रिपाठीले ६१० मत पाएका छन ।
३५ जना केन्द्रिय सदस्य चुनिने खुलातर्फको सुचीमा उनीहरु पर्न सकेनन् ।
