उद्घोष न्यूज 
तनहुँ । गण्डकी प्रदेशका सांसद एवं एमाले नेता रामबहादुर गुरुङ महाधिवेशन प्रतिनिधिमा मनोनित भएका छन् । एमालेको चितवनमा हुने १०औं महाधिवेशनका लागी प्रतिनिधिमा नेता गुरुङ मनोनित भएका हुन् ।
आफ्नो गृहजिल्ला तनहुँबाट महाधिवेशन प्रतिनिधि छनौटमा नपरेको गुरुङलाई केन्द्रले महाधिवेशन प्रतिनिधिमा मनोनित गरेको हो । उनि एमाले केन्द्रिय सदस्यमा उठ्ने संभावना उनि निकट कार्यकर्ता बताउछन ।
केही व्यक्तिले आफ्नो राजनिति फाईदाका लागि मलाई महाधिवेशन प्रतिनिधि बन्न नदिने प्रपन्च रचेपनि जिल्लाका कार्यकर्ताको आावाज सुन्दै पार्टी अध्यक्ष केपी शर्मा ओली र पार्टी केन्द्रीय कमिटीले न्याय दिदै महाधिवेशन प्रतिनिधि बनाएको नेता गुरुङले बताए । उनले अगाडी भने ‘अझै कटिबद्ध भएर पार्टीको काममा खटिन उर्जा मिलेको छ ।’
आफू जनजाति भएको, कार्यकर्ता र पार्टीका नेताहरु माझ पपुलर भएकोले केन्द्रीय सदस्य उठ्न सक्ने भनेर केन्द्रीय सदस्य एकबहादुर रानाले आफुलाई महाधिवेशन प्रतिनिधि बन्न नदिएको उनले आरोप थियो ।
जिल्लाबाट निर्वाचित जनप्रतिनिधिलाई नै पार्टी भित्रबाट जालझेल गरि महाधिवेशन प्रतिनिधि बन्न बन्चित गरिएपछि रुष्ट रहेका कार्यकर्ताहरु रामबहादुर गुरुङले न्याय पाएको बताएका छन् ।
