उद्घोष न्यूज 
काठमाडौं । देशभर सक्रिय मनसुनका कारण विभिन्न स्थानमा गएको पहिरो र बाढीले अरनिको, पूर्व–पश्चिम राजमार्ग लगायतका मुख्य सडकहरू अवरुद्ध भएका छन् ।
सडक विभागले आज बिहान ८ बजेसम्म अद्यावधिक गरेको जानकारीअनुसार सबैभन्दा बढी प्रभावित अरनिको राजमार्ग भएको छ। सिन्धुपाल्चोकको भोटेकोशी गाउँपालिकाका तीन फरक स्थान— वडा नं। २ को कोदारी र कोप्लाङ तथा वडा नं. ३ को लार्छामा पहिरो खस्दा राजमार्ग पूर्ण रूपमा बन्द भएको छ।
त्यसैगरी पूर्व–पश्चिम राजमार्ग पनि नवलपरासी (बर्दघाट सुस्ता पूर्व)को बिनयी त्रिवेणी गाउँपालिका–१ स्थित बिनयी खोलामा आएको बाढीका कारण पूर्ण रूपमा अवरुद्ध छ।
सडक विभागका अनुसार कान्ति लोकपथ, कालिगण्डकी करिडोरपनि पूर्ण रूपमा बन्द भएका छन् । केही स्थानमा भने पहिरो पन्छाएर सडक एकतर्फी रूपमा सञ्चालनमा ल्याइएको छ।-रातोपाटी
