उद्घोष न्यूज 
पोखरा । बागलुङको गलकोटमा भएको सरकारी गाडी दुर्घटनामा एक महिलाको शव निकालिएको छ । दुर्घटनामा तीनजनाको मृत्यु भएको र एकजना घाइते रहेको प्रहरीले जनाएको छ । घाइतेको उद्धार गरी धवलागिरि अस्पतालमा उपचारका लागि पठाइएको छ ।
बाँकी २ वटा शवमध्ये एउटा महिलाको शव भीरमा अड्किएको अवस्थामा रहेको र पुरुषको शव गाडीले च्यापिएको अवस्थामा रहेको प्रहरीले जनाएको छ । दुर्घटनामा परेको गाडी पुथा उत्तर गङ्गा गाउँपालिकाको भएको हुन सक्ने आशङ्का गरिएको छ ।
‘घटनास्थलमा एउटा आइडी कार्ड भेटिएको छ । त्यसका आधारमा हेर्दा गाडी सोही पालिकाको हुन सक्छ,’ डीएसपी विजय यादवले भने, ‘तर यो पुष्टि भने होइन । हामी खोजिरहेका छौँ ।’ घटनामा मृतक र घाइतेको सनाखत हुन सकेको छैन ।
