काठमाडौं, ९ असोज । काठमाडौंबाट सुर्खेतका लागि जांदै गरेको यात्रुवाहक बस दाङमा दुर्घटना भएको छ । पूर्वपश्चिम राजमार्गको दाङ, लमही नगरपालिका ९ शिवखोलामा दुर्घटना भएको हो ।
दुर्घटना हुँदा २५ जनाभन्दा बढी यात्रु घाइते भएको प्रहरीले जनाएको छ ।
कर्णाली प्रदेश ०२–००१ख ०६३२ नम्बरको यात्रु बोकेको बस आज बिहान दुर्घटना भएको र घाइतेहरुको लमही अस्पतालमा उपचार भइरहेको बुझिएको छ ।
बसमा ४५ जना यात्रु सवार थिए । दुर्घटनाको कारण भने खुल्न सकेको छैन् ।
