images
images
images

Untitled

images

काठमाडौं– भक्तपुरमा १२ वर्षीया बालिका बलात्कृत भएकी छिन्। बलात्कार आरोपमा रूकुम मुसिकोट नगरपालिका–३ घर भइ काठमाडौं थापागाउँ बस्ने १९ वर्षीय युवकलाई बुधबार दिउँसो प्रहरीले पक्राउ गरेको छ।

आरोपित युवकले ती बालिकालाई गत साउन ४ गतेदेखि ललाई फकाई पटक–पटक जबरजस्ती करणी गरेको भन्ने उजुरीको आधारमा प्रहरी वृत्त ठिमिबाट खटिएको प्रहरीले उनलाई पक्राउ गरेको हो।

त्यसैगरी पाल्पामा ११ वर्षीया बालिका बलात्कृत र १३ वर्षीया बालिकामाथि जबरजस्ती करणीको प्रयास भएको छ। ११ वर्षीया बालिकालाई बलात्कार गरेको र १३ वर्षीया बालिकालाई बलात्कार प्रयास गरेको आरोपमा तानसेन नगरपालिका–८ पाँडेखर्क बस्ने २२ वर्षीय युवकलाई बुधबार दिउँसो प्रहरीले पक्राउ गरेको छ।

युवकले बालिकालाई आइतबार बिहान जबरजस्ती करणी तथा सोही दिन दिउँसो जबरजस्ती करणी उद्योग गरेको भन्ने उजुरीको आधारमा प्रहरी चौकी प्रभासबाट खटिएको प्रहरीले उनलाई पक्राउ गरेको हो। उदयपुरमा यस्तै १८ वर्षीया किशोरीलाई जबरजस्ती करणी गरेको अभियोगमा बेलका नगरपालिका– ७ बस्ने २० वर्षीय एक जना युवकलाई बुधबार दिउँसो प्रहरीले पक्राउ गरेको छ।

आरोपित युवकले ती किशोरीलाई सोमबार राति सुतिरहेको कोठामा प्रवेश गरी डर त्रास देखाई जबरजस्ती करणी गरेको भन्ने उजुरीको आधारमा ईलाका प्रहरी कार्यालय रामपुर ठोक्सिलाबाट खटिएको प्रहरीले उनलाई पक्राउ गरेको हो।

 

images
उद्घोष न्यूज : Udghosh News
images
SKIP THIS