उद्घोष न्यूज 
भीमाद
भीमाद नगरपालिका स्थित जनज्योति क्याम्पसमा नेविसंघ गठबन्धनका विनोद पराजुली सभापतिमा निर्वाचित भएका छन् । उनले १८७ मत ल्याएर बिजयी भएका हुन् । उनका प्रत्यासी अनेरास्ववियू गठबन्धनका निशा श्रेष्ठ ९७ मत पाए । यसैगरी निर्वाचनबाट सचिवमा कल्पना सुनार र कोषाध्यक्षमा अमृत परियार विजयी भएका छन् । सदस्यहरुमा निशा भुजेल, सविता माल, सचिन श्रेष्ठ, इन्द्रावती सार्की र काशिका राना विजयी भएका छन् । जनज्योतिमा नेपाल विद्यार्थी संघ, अनेरास्ववियु क्रान्तिकारी, अनेरास्ववियु ९एकिकृत समाजवादी० नेपाल विद्यार्थी मोर्चाले गठबन्धन गरेका थिए ।
कुल मतदाता ३सय ६ मध्ये २ सय ७९जनाले मतदान गरेका थिए । सभापति सहित सबै प्रतक्ष्य तर्फ प्यानलले नेविसंघको गठबन्धनले जित हासिल गरेको छ । समानुपातिक तर्फ नेविसंघले एक सय पचहर र अनेरास्ववियुले एक सय दुई मत प्राप्त गरेका छन् ।
शहीद कृष्ण क्याम्पसको सभापतिमा अधिकारी
शुक्लागण्डकी नगरपालिका–८ स्थित शहीद कृष्ण क्याम्पसमा नेविसंघ नेतृत्वको प्यानल बिजयी भएको छ । सभापतिका उम्मेदवार बिष्णु बहादुर अधिकारीले सत्ताइस मत पाएर बिजयी बनेका छन् । उनका प्रत्यासी अनेरास्वबियूका मनोज बानियाँले १० मत पाए ।
त्यसैगरी सचिवमा नेविसंघका शालिग्राम पोख्रेलले २७ मत ल्याएर बिजयी भए । उनका प्रत्यासी ओमबहादुर महतले १० मत पाएका छन् । कोषाध्यक्षमा अखिल ९क्रान्तिकारी०की सुस्मा माकिम निर्विरोध निर्वाचित भएका हुन् । सदस्यहरुमा थमन बहादुर भुजेल,दिपीका काफ्ले,बिना बिक,प्रमिला पौडेल,बिजयी भएका छन् । निर्वाचनमा ४० मत मध्ये ३७ मत खसेको थियो ।
