उद्घोष न्यूज 
तनहुँ । तनहुँमा नेपाली सेनाले अवरुद्ध सडक मर्मत गरि सुचारु गरेको छ ।
जिल्लाको भानु नगरपालिका वडा नं।१ मा रहेको रुरु भैरव दल गणले भानु नगरपालिका १० को थानी मार्गको कुसुण्डेमा पहिरो गएपछि कच्ची सडक अवरुद्घ भएको थियो ।
सडक अवरुद्घ भएपछि सो सडक प्रयोग गर्ने यात्रु र विशेषगरी जनजागृति माध्यमिक विद्यालयमा अध्ययनरत विद्यार्थीलाई विद्यालय जान कठिनाई हुँदै आएको विद्यालयका प्रधानाध्यापक रविन्द्र वाग्लेले जानकारी दिए ।
उनका अनुसार लामास्वाँरा, मिरचौर, लौडारी भञ्ज्याङ र तुसाल लगाएतका गाउँबाट आउने विद्यार्थीलाई सकस भएको थियोे ।
उक्त सडकलाई मर्मतका लागि नगरपालिकाले नेपाली सेनालाई अनुरोध गरेपछि नेपाली सेनाको रुरु भैरबदल गणले आईतबार सडक सुचारु गरेको गणका गणपति प्रमुख सेनानी हिमाचल जंह शाहले बताए ।
