उद्घोष न्यूज 
तनहुँ । तनहुँको दमौलीमा माइक्रो र मोटरसाइकल एकआपसमा ठोक्किदा दुई जना घाइते भएका छन । दमौली बह्जार नजिक बागबजारमा मंगलबार दिउसो मोटरसाईकल र माईक्रोबसको दुर्घटना भएको प्रहरीले जनाएको छ ।
उक्त दुर्घटनामा परी मोटरसाईकलमा सवार व्यास नगरपालिका वडा नं. १० का १९ वर्षिय अर्जुन नेपाली र उक्त मोटरसाईकलमा पछाडि बस्ने व्यास १२ का २० वर्षिय मनोज नेपाली गम्भीर घाइते भएको प्रहरीले जनाएको छ ।
काठमाण्डौ-बेनी चल्ने बा३ख ९५२९ नम्बरको माईक्रो र लु९प ३८२६ नम्बरको मोटरसाईकल एक आपसमा ठक्कर खादा उक्त दुर्घटना भएको हो ।
स्थानिय र प्रहरीको सक्रियतामा घाईतेहरुको उद्धार गरि तत्काल रत्नहरि अस्पताल लगिएको थियो । उनीहरुलाई थप उपचारको लागि चरक अस्पताल पोखरा लगिएको जिल्ला प्रहरी कार्यालय तनहुँले जनाएको छ ।
घाइते दुवै जनाको नाक, मुख र पेटमा चोट लागेको छ । चालक र सवारी साधन प्रहरीको नियन्त्रणमा रहेको छ । माइक्रोको अगाडिको भाग र मोटरसाइकलको पनि अघिल्लो भागमा क्षति पुगेको छ ।
तस्बिर : मदन तिमल्सिना
