उद्घोष न्यूज 
दुलेगौँडा । विश्व रेडियो दिवसको अवसर पारि शुक्लागण्डकी क्षेत्रमा क्रियाशिल पत्रकार र सञ्चारकर्मीहरुको भेलाले शुक्लागण्डकी पत्रकार मञ्च गठन गरेको छ ।
दुलेगौंडामा भएको भेलाले राजन उपाध्यायको संयोजकत्वमा ९ सदस्यीय तदर्थ समिति गठन गरिएको हो । पत्रकार उपाध्याय शुक्लागण्डकी एफ.एम.का स्टेसन मेनेजर समेत हुन् । मञ्चको सह–संयोजकमा ममता गुरुङ चयन भइन् ।
सदस्यहरुमा अशोक विश्वकर्मा, राजकुमार आले, विनोद ढुंगाना, अस्मिता खनाल, करिश्मा विश्वकर्मा, हरि खरेल र सनिता कार्की रहेका छन् ।
पत्रकारको हकहित र अधिकारकोलागि मञ्च क्रियाशिल रहने संयोजक उपाध्यायले बताए । स्थानीय सरकार र विभिन्न संघ संस्थासँग सहकार्य गरेर दक्षता अभिवृद्धि समेत गरिने उनले सुनाए ।
शुक्लागण्डकी नगरपालिकामा विधिवत रुपमा दर्ता गरि अघि बढ्ने निर्णय समेत गरिएको छ ।
कार्यक्रममा विश्व रेडियो दिवसको अवसरमा एक आपसमा शुभकामना आदान प्रदान गरिएको थियो ।
