उद्घोष न्यूज 
तनहुँ । तनहुँको बन्दिपुर गाउँपालिका-६ धरमपानीमा आज साँझ जीप दुर्घटनामा परी चार जनाको मृत्यु भएको छ । धरमपानीस्थित हटिया भन्ने ठाउँमा जीप दुर्घटना हुँदा चार जनाको घटनास्थलमै मृत्यु भएको जिल्ला प्रहरी कार्यालय तनहुँले जनाएको छ ।
जिल्ला प्रहरी कार्यालय तनहुँले दिएको जानकारी अनुसार ज्यान गुमाउनेहरूमा बन्दिपुर गाउँपालिका-६ धरमपानी बस्ने ९ महिने आरूबि थापा, २४ वर्षिय रोशन गुरूङ, ५३ वर्षिय हरि बहादुर न्यौपाने र ४८ वर्षिया सुशिलादेवी न्यौपाने रहेका छन ।
ग १ ज ६५५५ नम्बरको जीप अनियन्त्रित भई भीरबाट तल खसेको प्रहरी नायब उपरिक्षक युवराज खड्काले जानकारी दिए ।
उक्त जीपमा १७ जना सवार रहेको बुझिन आएको छ ।
बाच्छेबाट धरमपानी आउदै गरेको ग१ज ६५५५ नं.को जिप हटिया भन्ने ठाउँमा सडकबाट करिब १ सय मिटर तल खस्दाँ दुर्घटना भएको थियो ।
