उद्घोष न्यूज 
तनहुँ । तनहुँको शुक्लागण्डकी जेसिज वर्ष २०२१ का अध्यक्ष कृष्णबहादुर श्रेष्ठ राष्ट्रिय उपाध्यक्षमा निर्वाचित भएका छन् । नेपाल जेसिजको पोखरामा सम्पन्न ४८औँ राष्ट्रिय अधिवेशन मार्फत वर्ष २०२२ का लागि श्रेष्ठ राष्ट्रिय उपाध्यक्षमा ८ सय १३ मत ल्याउदै निर्वाचित भएका हुन् ।
उपाध्यक्षका लागि नेपालका भरका विभिन्न शाखाका १९ जनाले उम्मेदवारी दर्ता गराएका थिए । १९ जना उम्मेदवारहरु मध्ये श्रेष्ठले ८ सय १३ मत प्राप्त गरेका थिए । निर्वाचनमा कुल १ हजार २ सय ६८ जना जेसिज सदस्यले मतदान गरेका थिए ।
राष्ट्रिय अध्यक्षमा ३ सय ६५ मत सहित लालमणी भण्डारी निर्वाचित भए । । उनी ८ जना अध्यक्षका प्रत्यासलाई पराजिद गर्दै विजयी भएका हुन् । जेसिजको राष्ट्रिय अधिवेशन पोखराको नयाँबजारमा पुष १ गते शुरु भएको थियो ।
