उद्घोष न्यूज 
दमाैली
क्षेत्रीय हाेटल संघ तनहुँ दमाैली बजार इकाईकाे सभापतिमा बालकृष्ण आले चयन भएका छन् । साेमबार दमाैलीमा आयाेजित इकाईकाे १६ आौ साधारणसभा तथा आठाैँ अधिवेशनले आलेकाे सभापतित्वमा नयाँ कार्यसमिति सर्वसम्मत चयन गरेको हाे । समितिकाे उपसभापतिमा अनुप दाहाल र देवी कुमारी थापा , सचिवमा सन्तोष दाहाल , काेशाध्यक्षमा सीता पहारी र सहसचिवमा टीका थापा चयन भएका छन् । यस्तै समितिकाे सदस्यहरूमा बिन्दु सेढाई , छलिमाया दरै , सुन्तली दरै , बिमला सेढाई , नवीन गुरूङ चयन भएका छन् ।
यस अगाडि अधिवेशनकाे उद्घाटन गर्दै कार्यक्रमका प्रमुख अतिथि क्षेत्रीय हाेटल संघ तनहुँका अध्यक्ष जीवन शाहीले हाेटल व्यवसायीहरू एकजुट हुनुपर्ने बताए । जिल्लामा रहेका सम्पुर्ण व्यवसायीलाई क्षेत्रीय हाेटल संघमा गाेलवद्ध हुन आग्रह गर्दै अध्यक्ष शाहीले सबै एकैठाउँमा भए संघ बलियो हुने बताए । व्यवसाय सञ्चालनकाे क्रममा काेहि व्यवसायीलाई कुनै समस्या परे संघमा सम्पर्क गर्न अध्यक्ष शाहीले अनुरोध गरेका थिए ।
दमाैली बजार इकाईका सभापति शंकर अधिकारीकाे सभापतित्वमा भएको उक्त कार्यक्रममा संघका बरिस्ठ उपाध्यक्ष बिकास खनाल , प्रथम उपाध्यक्ष चन्द्र कुमार कायस्थ , महासचिव रामचन्द्र खड्का , डुम्रे बजार इकाईका सभापति सन्तोष थापा , दमाैली बजार इकाईका उपसभापति बालकृष्ण आले , सचिव अनुप दाहाल लगायतले शुभकामना मन्तब्य व्यक्त गरेका थिए । कार्यक्रममा सचिव अनुप दाहालले सचिवकाे तथा काेशाध्यक्ष सुजन अधिकारीले काेशाध्यक्षकाे प्रतिवेदन पेश गरेका थिए । साे अवसरमा सहभागीहरूलाइ काैरा नृत्यले स्वागत गरिएको थियो ।
