उद्घोष न्यूज 
म्याग्दे गाँउपालिका वडा नं ४ मा रहेको ओटाङदी खानेपानी उपभोक्ता तथा सरसफाई योजनाको निर्माण सम्पन्न भएको छ । वडा नं ४ को वडाध्यक्ष दीपक कुमार श्रेष्ठको अध्यक्षतामा भएको सो कार्यक्रमको एक समारोहका वीच अध्यक्ष श्रेष्ठले उद्घाटन गरे ।
गएको भुकम्पले खानेपानीको टंकीमा क्षति पुरयाएपछि खानेपानीको अभाव झेल्दै आएका ओटाङदीवासी एक घर एक धाराको अवधारणा अन्तरगत घर घरमा नै खानेपानी पुगेपछि खुशी भएको स्थानिय मिना थापाले वताईन ।
उपभोक्ता समितीको अध्यक्ष नुरवहादुर थापाले खानेपानीको योजनाले ३० घर रहेको सिङ्गो टोलवासीलाई नै राहत मिलेको वताए । जनताको समस्या समाधानमा वडा र रिकभर परियोजनाले गरेको सहयोगप्रति समिती कृतज्ञ भएको समिती अध्यक्ष थापाले वताए ।
वडा कार्यलय, रिकभर परियोजना र स्थानिय जनसहभागिता गरि कुल १४ लाख ९० हजार लगानीमा निर्मित ओटाङदी खानेपानी योजनाको कुल क्षमता २० हजार लिटर रहेको वडाध्यक्ष दीपक कुमार श्रेष्ठले वताए ।
जनताको न्युनतम आधारभुत आवश्यकतामा वडा सरकार गम्भिर भएको हुदाँ वडावासी नै मिलेर वडा विकासमा लाग्नुपर्ने वडाध्यक्ष श्रेष्ठले वताए । वडामा सिमित वजेट र साधन हुने हुदाँ समुदाय नै मिलेर अगाडी वढ्नुपर्ने श्रेष्ठले वताए । आम जनताको आवश्यकता र चासोमा सदैव क्रियाशिल रहेको छु, जनअपेक्षाको चाहना नै मेरो आधार हो ।
सो कार्यक्रममा पालिकाका कार्यपालिका सदस्य वद्रिका घिमिरेले जनताले चाहेमा हरेक योजना समयमा नै सम्पन्न हुने वताए । निर्माणको ४० दिनमा नै योजना सम्पन्न भएर उपभोक्ताले खानेपानी खान पाउनुले सचेत उपभोक्ता नै विकास निर्माणको पहरेदार भएको वताए । वडाले विभिन्न जनाधारित कार्यक्रम गरिरहेको हुदाँ सुझाव र सल्लाह अनुसार नै जनताको काम गर्ने वताए ।
कार्यक्रमममा टोल विकास समितीका सदस्यहरु, आम वुद्धिजीवि र स्थानिय वासिन्दाहरुको सहभागिता रहेको थियो ।
