उद्घोष न्यूज 
तनहुँ
विद्यालय हरीयाली कार्यक्रम अन्तर्गत वृक्षारोपण गरिएको छ । जिल्ला वन कार्यालय गोरखाको सहयोगमा उपलब्ध पारीजात, कागती, अमला, तेजपत्ता, धुपी लगायतका विरुवा रोपिएको विद्यालय व्यवस्थापन समितिका अध्यक्ष सृजना खवासले बताइन् ।
विद्यालयमा हरीयो बनाउने उदेश्यले वृक्षारोपण गरिएको विद्यालयका सहायक प्रधानाध्यापक काशीनाथ देवकोटाले बताए । वर्षे विदाको छु्ट्टीलाइ सदुपयोग गर्दै शनिबार वृक्षारोपण गरिएको हो । विद्यालयले वर्षे विदाको समयलाइ विशेष र व्यवहारीक सिकाइको समयको रुपमा लिएको देवकोटाले बताए ।
विद्यालयबाट विद्यार्थीलाइ समेत विरुवा वितरण गरिएको छ । राम्रोसँग स्यहार गरेर हुर्काउने र शिक्षकलाइ घरमा लगेर देखाउने गरी प्रयोगात्मक अभ्यासमा विरुवा हुर्काउन लगाइएको विज्ञान शिक्षक अवधेश महतोले बताइन् ।
