तनहुँ
तनहुँको म्याग्दे गाउँपालिका–१ गुणादीको महेन्द्र माध्यमिक विद्यालयका विद्यार्थीहरूमा किशोरावस्थाका व्यक्तिहरूको मानसिक स्वास्थ्य सम्बन्धी सोमबार एक दिने प्रशिक्षण प्रदान गरिएको छ । नेपाल रेडक्रस सोसाईटी तनहुँको आयोजनमा प्रशिक्षण प्रदान गरिएको हो ।
काठमाण्डौँको मनमोहन मेमोरियल ईन्स्टिच्यूट अफ हेल्थ साईन्सेसमा जनस्वास्थ्य विषयमा स्नातकोत्तर दोस्रो वर्षमा अध्ययनरत छात्रा गंगा खनालले किशोरावस्थामा आउने शारिरिक र मानसिक परिवर्तन र यसले निम्त्याउन सक्ने मानसिक समस्या र यसबाट बच्ने उपायहरू बारे प्रशिक्षण प्रदान गर्नुभएको थियो। साथै सो अवसरमा विद्यालयलाई ५०० वटा सर्जिकल मास्क हस्तारण गरिएको थियो । स्वास्थ्य तथा जनसंख्या मन्त्रालयको अध्ययन अनुसार, नसर्ने रोगहरूमध्ये १८ प्रतिशत हिस्सा मानसिक रोगको छ ।
मानसिक तन्दुस्त मानिसले आफ्नो क्षमताको पहिचान गरी दैनिक जीवनयापन गर्नका लागि विभिन्न परिस्थिति सामना गर्दै उत्पादनशील तथा प्रगतिशील जीवनयापन गर्न सक्ने हुनाले प्रशिक्षण प्रदान गरिएको हो । हरेक व्यक्तिले शारीरिक स्वास्थ्य सँगसंगै मानसिक स्वास्थ्यको पनि ख्याल राख्नुपर्छ । विभिन्न अभाव, समस्या, बेरोजगारीका कारण देखिने मानसिक समस्या बढ्दो गतिमा गएकोले सचेतना कार्यक्रम गरिएको आयोजकले जनाएको छ ।
