उद्घोष न्यूज 
दमौली
नेपाल अन्तर्राष्ट्रिय कृष्णभावनामृत संघ ९इस्कोन० दमौली शाखाले हरिबोधनी एकादशीको अवसरमा हरिनाम संङ्कीर्तन सहित दमौली बजार परिक्रमा गरि अनसन चौपारिमा पुगेर भागवत गीता लगाएतका धार्मिक ग्रन्थहरू बितरण गरेको छ ।
४ बेद १८ पुराणका रचयिता वेदव्यास क्षेत्र दमौलीलाई विश्वमाझ चिनाउन , प्रचारप्रसार गर्न तथा आध्यत्मिक जागरण ल्याउनका लागि कार्यक्रम गरिएको संस्थाका अध्यक्ष रबिलाल थापा ९रसमन्डल दास० ले बताए । संघको दमौली स्थित ब्यास ४ को शाखा कार्यलयमा नियमित शनिबारे सत्सङ कार्यक्रम दिउँसो १२ बजे दखि ४ बजेसम्म हुँदै आएको अध्यक्ष थापाले बताए । उक्त कार्यक्रममा नियमित भागवत गिताको प्रबचन,हरे कृष्ण मन्त्र जप,हरिनाम संङ्कीर्तन सहित भजन कृतन र निशुल्क प्रसाद बितरण, लगायत विभिन्न धार्मिक कार्यक्रम हुदै आएको छ । दैनिक रूपमा हुने
उक्त कार्यक्रममा उपस्थितिको लागि संस्थाका सदस्य लक्ष्मी गुरूङले आग्रह गरिन् ।
संघले आगामी दिनमा व्यासको जन्मभूमि दमौलीलाई बिश्वमाझ प्रचार प्रसार तथा धार्मिक एबंम आध्यत्मिक बिकास गर्नका लागि विभिन्न परियोजनाहरू सहित गूरूयोजना समेत निर्माण गरेको छ ।
जस अन्तर्गत राधा कृष्ण मन्दिर , ब्रह्मचारि आश्रम , सन्यास आश्रम, सभा हल, पाहुना घर,भक्तिबेदान्त गुरूकुल ,भक्तिबेन्दान्त हस्पिटल , गौशाला, भक्तिबेन्दात लाईबेरि , अन्नाथलय आश्रम सहितको गूरूयोजना निर्माण गरिएको संघका सदस्य ईन्जिनियर सुशील खनालले बताए । उक्त गुरूयोजना सम्पन्न गर्नका लागि करिब ६० करोडको लागत अनुमान समेत तयार गरिएको सदस्य खनालले बताए । परियोजना सम्पन्न गर्नका लागि विभिन्न सरकारी निकायहरू , संघिय सरकार, प्रदेश सरकार तथा व्यास नगरपालिका, विभिन्न सामाजिक संधसंस्थाहरू , सम्पुर्ण राजनैतिक पाटिहरू, धार्मिक क्षेत्र, उधोग बाणिज्य संघ लगायत देश तथा बिदेशमा रहेका तनहुँ बासिहरूलाई साथ र सहयोगका लागि आग्रह गरिने संघका सदस्य सचिब प्रमोद न्यौपानेले बताए ।
