उद्घोष न्यूज 
तनहुँ । राष्ट्रिय युवा संघ तनहुँको आयोजनामा दमौलीमा रक्तदान कार्यक्रम सम्पन्न भएको छ ।
आइतबार भएको रक्तदान कार्यक्रममा १६ पिन्ट रगत संकलन भएको राष्ट्रिय युवा संघ तनहुँका सचिव बसन्त पौडेलले जानकारी दिए ।
राष्ट्रिय युवा संघ तनहुँका अध्यक्ष मदन तिमल्सेनाको सभापतित्वमा उक्त रक्तदान कार्यक्रम भएको थियो ।
कार्यक्रमको प्रमुख अतिथि नेकपा एमाले तनहुँका अध्यक्ष श्रीप्रसाद श्रेष्ठ रहेका थिए । सो अवसरमा अध्यक्ष श्रेष्ठले रगत अभाव नहोस् भनेर रक्तदान गरि युवा संघले सरहानिय काम गरेको बताए ।
कार्यक्रममा नेकपा एमाले उपाध्यक्ष हरिराज कडेंल, नेकपा एमालेका सचिव राजेश्वर ढकाल, जिल्ला सदस्य अनिल पाण्डे, भुपेन्द्र कोईराला, राष्ट्रिय युवा संघ व्यास नगरका नगर सदस्य सुजन आचार्य, राष्ट्रिय युवा संघका पूर्व केन्द्रिय सदस्य बिष्णु अधिकारी, राष्ट्रिय युवा संघ व्यास नगरका अध्यक्ष कृष्णकुमार श्रेष्ठ, उपाध्यक्ष अजित पन्थ, नेकपा एमाले व्यास ४ का अध्यक्ष चिजबहादुर गुरुङ लगायतको उपस्थिति रहेकोे थियो ।
