उद्घोष न्यूज 
तनहुँ । तनहुँको शुक्लागण्डकी नगरपालिका वडा नं.६ तिमिल्सिना चोक स्थित पृथ्वि राजमार्ग सडक खण्डबाट लागुऔषधसहित एक युवक पक्राउ परेका छन् । ईलाका प्रहरी कार्यालय बेलचौताराबाट खटिएको प्रहरी टोलीले जिल्ला शुक्लागण्डकी नगरपालिका वडा नं.६ रनमान चोक बस्ने १८ वर्षीय अनिस मगरलाई पक्राउ गरेको हो ।
प्रहरीले शंका लागी चेकजाँच गर्दा मगरको साथबाट ४० चक्कि नाईट्राभेट लेखेको लागुऔषध फेला परेको हुँदा उक्त लागुऔषध सहित उनलाई पक्राउ गरिएको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले जानकारी दिए ।
मगरलाई तनहुँ जिल्ला अदालतबाट लागुऔषध मुद्दा शिर्षकमा १० दिनको म्याद थप गरी थप अनुसन्धान कार्य भईरहेको प्रहरीले जनाएको छ ।
