उद्घोष न्यूज 
तनहुँ । तनहुँको बन्दिपुर गाउँपालिका वडा नम्बर १ बेलभञ्ज्याङमा ट्रक र मोटरसाइकल ठोक्किदा २ जनाको मृत्यु भएको छ ।
गएराति पृथ्वी राजमार्ग अन्तर्गत तनहुँको दमौली–डुम्रे सडकखण्डको बेलभञ्ज्याङमा दुर्घटना हुँदा मोटरसाइकलमा सवार दुई जनाको मृत्यु भएको जिल्ला प्रहरी कार्यालय तनहुँका प्रवक्ता युवराज खड्काले जानकारी दिए ।
उनका अनुसार उक्त दुर्घटनामा परी जिल्लाको व्यास नगरपालिका–५ बरबोटेका अनिल बाचेमगर र विकास विकको मृत्यु भएको हो । उनीहरु सवार ग १८ प ९२९५ नम्बरको मोटरसाइकल र लु १ ख ९८३२ नम्बरको ट्रक गएराति दुर्घटना भएको प्रहरीले जनाएको छ ।
