उद्घोष न्यूज 
तनहुँ । श्रम, रोजगार, तथा सामाजिक सुरक्षामन्त्री कृष्ण कुमार श्रेष्ठ (किसान)ले आफुले बोलेका काम पुरा गर्ने बताए ।
सो कुरा श्रममन्त्री श्रेष्ठले सोमबार नेकपा (एकीकृत समाजवादी) व्यास ११ र निर्बु बराहखोला टोल विकास संस्थाले गरेको स्वागत, सम्मान तथा शुभकामना आदानप्रदान कार्यक्रममा बताएका हुन ।
पुरा नहुने कुरा नबोल्ने श्रममन्त्री श्रेष्ठले सो क्रममा बताए ।
बेरोजगार युवालाई रोजगार र विदेश जान चहानेलाई सहज तरिकाले धेरै आम्दानी हुने देशलाई पठाउन सहयोग गर्ने श्रममन्त्री श्रेष्ठले बताए ।
कम्युनिष्ट पार्टी एक भए ५० वर्ष सत्तामा रहने श्रममन्त्री श्रेष्ठले बताए ।
पार्टी सबै संग सल्लाह गरेर चलाउनुपर्ने श्रममन्त्री श्रेष्ठले बताए । तर केपि ओलिले एकलौटी पाराले पार्टी चलाएको श्रममन्त्री श्रेष्ठको आरोप छ ।
श्रममन्त्री श्रेष्ठले प्रश्न गरे ‘पटकपटक संसद विघटन गर्नेलाई किन भोट हाल्ने ?’ उनले थपे ‘एमालेहरु कसरी जनताको माझ जान्छ्न ?’
बराहखोला आमा समुहले समेत श्रममन्त्री श्रेष्ठलाई सम्मान गरेको थियो ।
कार्यक्रममा बहारा मन्दिरको संरक्षण गर्न, सडक ग्राभेल र पक्की नालीलाई लगाएतका माग श्रममन्त्री श्रेष्ठ सामु स्थानीयले राखेका थिए ।
त्यस्तै खानेपानीको ट्याङ्की लगाएतका समस्या श्रममन्त्री समक्ष राखेका थिए ।
कार्यक्रममा नेकपा (एकीकृत समाजवादी)का पोलिटब्युरो सदस्य प्रतापलाल श्रेष्ठ, पार्टीका जिल्ला अध्यक्ष शंकरनारायण श्रेष्ठ, पार्टीका जिल्ला सचिव श्रीराम कार्की लगाएतले बोलेका थिए ।
