उद्घोष न्यूज 
दमौली
तनहुँको व्यास नगरपालिका स्थापना भएको ३४ वर्ष पूरा हुँदा नगरले पूर्वाधार विकासमा उल्लेखनीय उपलब्धि हासिल गरेको छ। स्थापना कालमा सीमित सडक सञ्जाल भएको नगर अहिले व्यापक सडक विस्तार र शहरी विकासको उदाहरण बनेको छ।
नगर स्थापना हुँदा पृथ्वी राजमार्गअन्तर्गत घाँसीकुवादेखि हालको व्यास–५ स्थित सिद्धीसम्म करिब १० किलोमिटर मात्रै कालोपत्रे सडक थियो। तर, तीन दशकभन्दा बढी अवधिमा नगरले सडक पूर्वाधारमा ठूलो फड्को मारेको छ। हाल नगरपालिकामा १६१.४९ किलोमिटर कालोपत्रे सडक निर्माण भइसकेको छ भने २५ किलोमिटर ग्राभेल र ७२२.८१ किलोमिटर कच्ची सडक सञ्जाल विस्तार भएको छ। साथै ८०.८ किलोमिटर पक्की नाला निर्माण व्यास नगरपालिकाले जनाएको छ ।
व्यास नगरपालिकाका सबै १४ वडामा कालोपत्रे सडक पुगेको छ भने थप विस्तारको काम निरन्तर जारी रहेको छ। एक समय गोरेटो र घोडेटो बाटोमा सीमित रहेको यो क्षेत्र अहिले शहरीकरणतर्फ उन्मुख हुँदै गएको छ। नगरले ठूला पूर्वाधार आयोजनामार्फत पनि विकासलाई तीव्रता दिएको छ। विश्व बैंकको सहयोगमा सञ्चालन भइरहेको शहरी शासकीय तथा पूर्वाधार विकास आयोजना अन्तर्गत व्यास–७, ९, १० र ११ जोड्ने ‘पराशर मार्ग’ स्तरोन्नतिको काम सुरु गरिएको छ। बुल्दीखोला–बेलटारी–फराकचौर–अधे
विशेषगरी २०७४ सालमा नयाँ संविधान अनुसार स्थानीय तहमा जनप्रतिनधिहरुले कार्यभार सम्हालेपछि व्यास नगरपालिकामा सडक विस्तारले तीव्रता लिएकोे हो । त्यसयता नगरप्रमुख वैकुण्ठ न्यौपानेको नेतृत्वमा पूर्वाधार विकासलाई प्राथमिकता दिँदै योजनाबद्ध रूपमा काम अघि बढाइएको छ।
तीन दशकअघि सीमित पहुँच भएको व्यास नगरपालिका आज पूर्वाधार र शहरी विकासका दृष्टिले उल्लेखनीय परिवर्तनको चरणमा पुगेको छ। दिगो र समावेशी विकासमार्फत नगरलाई अझ व्यवस्थित र समृद्ध बनाउने लक्ष्य नगरपालिकाले लिएको नगर प्रमुख न्यौनलेले बताए ।
