उद्घोष न्यूज 
काठमाडौँ। मोडल तथा कलाकार रिया गुरूङ (उजेली) ले कन्यादेवी माध्यमिक विद्यालयका २४ जना विद्यार्थीलाई रु १०,००० बराबरको शैक्षिक सामग्री वितरण गरेकी छन्।
तनहुँको आँबुखैरेनी गाउँपालिका वडा नं. ६ हिलेखर्क केउरानी टोल निवासी गुरुङले कन्यादेवी माध्यमिक विद्यालयका २४ विद्यार्थीलाई शैक्षिक सामग्री वितरण गरेकी हुन् ।
कलाकार गुरुङले यो सहयोग प्रोत्साहन र विद्यार्थीहरूको भविष्य उज्ज्वल बनाउनका लागि गरिएको बताइन् ।
वितरण कार्यक्रममा कन्यादेवी माविका प्रधानाध्यापक सुर्यमान गुरुङले सहयोगको कदर गर्दै धन्यवाद प्रकट गरेका थिए। उनले भने, ‘रिया गुरुङको यो प्रयासले विद्यालयको शिक्षामा सकारात्मक प्रभाव पार्नेछ र विद्यार्थीहरूको प्रगति र समृद्धिमा योगदान पुर्याउने छ।’-रातोपाटी
