उद्घोष न्यूज 
तनहुँ
ऋषिङ गाँउपालिकामा राजस्व संकलन भन्दा रजश्व संकलन गर्ने तालिमका लागि तिनगुणा बढी रकम खर्च गरेको पाइएको छ ।
महालेखा परीक्षकको ६९ औ प्रतिवेदनमा राजश्व संकलन भन्दा बढी रकम खर्च लेखेर भुक्तानी गरेको भनेर सो सम्वन्धमा यर्थाथ एकिन गरी कार्यक्रम नभएको खण्डमा उक्त रकम असुल गनुपर्ने प्रतिवदेनमा उल्लेख छ । गाँउपालिकाले आर्थिक बर्ष २०७७ /०७८ मा राजश्व संकलनका लागि २०७७ साउन १ गते देखि २६ गते सम्म सम्पती कर कार्यान्वयनका लागि कार्य गरेको भनेर यातायात खर्च,पारीश्रमिक बापत १ लाख २९ हजारमा करकट्टी गरी टेकनाथ सापकोटालाई भुक्तानी गरेको उल्लेख छ । ‘कार्यक्रम संचालन गरेको हाजिरी,तस्विर लगायत कार्य संचालन गरेको प्रमाण पेश नगरी भुक्तानी गरेको देखिन्छ ।’ महालेखाको प्रतिवेदनमा उल्लेख गरिएको छ ।
ऋषिङ गाँउपालिकाले आर्थिक बर्ष २०७७ /०७८ भने बर्ष भरीमा जम्मा ४६ हजार १ सय १२ रुपयाँ मात्र राजस्व संकलन भएको महालेखाले प्रतिवेदनमा जनाएको छ । राजश्व संकलन भन्दा तिन गुणा बढी रकम खर्च गरेको र कार्यक्रम गर्दाको प्रमाण समेत नभएको प्रतिवेदनमा उल्लेख गरेको छ ।
यस्तो छ महालेखाको प्रतिवेदनको पुरा अंश ‘आर्थिक कार्यविधि तथा वित्तय उत्तरदायित्व नियमावली २०७७ को ३९ (५) मा सरकारी खर्च गर्दा त्यस्तो खर्च पुष्ट्याई गर्ने बिल भरभपाई प्रमाण र कागजात सम्लग्न हुनुपर्ने उल्लेख छ । कार्यालयले सम्पती कर कार्यान्वयनको लागि २०७७/०४/०१ देखी २०७७/०४/०२६ सम्म कार्य गरेको भनि खर्च र पारिश्रमिक बापत एकमुष्ठ १लाख २९ हजार मा १५ प्रतिसत करकट्टी गरी टेकनाथ सापकोटालाई भुक्तानी गरेको देखिन्छ । पालिकाको सुत्र सफ्टवयरको वित्तिय प्रतिवेदन २७२ को आन्तरीक आर्य अन्र्तगत सम्पती कर संकलनको अवस्था हेर्दा आ.व २०७७/ ०७८ मा रु ४६ हजार १ सय १२ मात्र सम्पती कर संकलन भएको देखिन्छ । सम्पती कर संकलन गर्नका लागि संकलीत रकमको तीन गुणा खर्च गरेको एवम् सम्पती कर तालिममा प्रशिक्षार्थीको उपस्थिति र प्रशिक्षको हाजिरी र कार्यक्रम संचालनको फोटो लगायतका कुनै पनि प्रमाण पनि समावेश नगरी भुक्तानी दिएको देखिन्छ । यसरी खर्चको प्रमाण तथा प्रभावकारीता नभएको क्षेत्रमा स्विकृत कार्यक्रम प्रस्ताव वेगर खर्च गरेकोले सो यर्थाथ एकिन गरी कार्यक्रम नभएको खण्डमा उक्त रकम असुल गनुपर्ने रु १२९०००’
