उद्घोष न्यूज 
काठमाडौं । पाकिस्तानको सुरु भएको साम्प्रदायिक हिंसामा अहिलेसम्म ४३ जनाको मृत्यु भएको छ ।
कुर्रम जिल्लाका जनजातिहरूबीचको भूमिसम्बन्धी विवाद साम्प्रदायिक हिंसामा परिणत हुँदा मानवीय क्षति भएको हो ।
३० एकड जग्गाको स्वामित्वको विषयमा भएको विवादले उग्ररुप लिदा अन्य डेढ सय बढी मानिस घाइते भएको काश्मिर अब्जरर्भर समाचार पोर्टलले जनाएको छ ।
बुसेहराका दुई गाउँमा बसोबास गर्ने आदिवासीबीच मतभेद चुलिएको हो ।
६ दिन अघि शुरु भएको लडाई कुर्रम जिल्लाका विभिन्न क्षेत्रमा फैलिएको छ । विवादमा वार्ता जारी रहदा एकजनाले गोली चलाएपछि हिंसा मच्चिएको हो ।
सुन्नी मुस्लिम मडागी र शिया माली खेल जनजातिबीच गएको बुधवारदेखि त्यहा लडाई जारी छ ।
