उद्घोष न्यूज 
काठमाडौँ । नेपालको स्वास्थ्य क्षेत्रमा सुधारका विषयमा स्वास्थ्य तथा जनसङ्ख्या मन्त्रालयले आज जेनजी प्रतिनिधिहरूसँग छलफल गरेको छ ।
जेनजी अगुवा तनुजा पाण्डेसहित भएको छलफलका क्रममा स्वास्थ्मन्त्री डा. सुधा गौतमले नेपालको स्वास्थ्य क्षेत्रको समस्या समाधान गर्न सरकार अग्रसर रहेको बताएकी थिइन् । स्वास्थ्य बीमा कार्यक्रमका समस्या समाधान गर्न र यसलाई थप प्रभावकारी बनाउन सरकार पूर्ण प्रतिबद्ध रहेको उनले बताइन् ।
निःशुल्क औषधिको सुनिश्चितता र अस्पतालहरूको सेवा प्रवाहमा सुधार ल्याउन तत्कालै ठोस कदम चाल्ने प्रतिबद्धतासमेत स्वास्थ्यमन्त्रीबाट भएको छलफलमा सहभागी जेनजी अगुवा तनुजा पाण्डेले बताइन् ।
जेनजी प्रतिनिधिहरूले स्वास्थ्य बीमा कार्यक्रममा देखिएका समस्याहरूलाई प्राथमिकताका साथ उठाउँदै निःशुल्क औषधिको अभाव भएको बताएका थिए ।
उनीहरूले एक लाखको बीमा रकम बढाएर पाँच लाख पुर्याउनुपर्ने, बीमा सेवा देशका जुनसुकै स्वास्थ्य संस्थाबाट सहज रूपमा उपलब्ध गराउनुपर्ने गरी प्रणालीगत सुधार, र जनस्वास्थ्य ऐनको अविलम्ब कार्यान्वयन तथा स्वास्थ्यकर्मीका माग सम्बोधनका लागि नीतिगत सुधारको माग राखेका छन् । रातोपाटी
