उद्घोष न्यूज 
तनहुँ । तनहुँको भानु नगरपालिका–९ डुम्रे खर्क स्थित रानीपानी तेरतेरे भित्री सडक खण्डमा शनिबार बेलुकी गुडिरहेको ट्रयाक्टरबाट खसेर एक युवतीको मृत्यु भएको छ ।
मृत्यु हुनेमा स्थानीय २३ वर्षीया एलिना श्रेष्ठ रहेकी छिन् । घाइते उनको उपचारको क्रममा डुम्रेस्थित लक्ष्मी अस्पतालमा गएराती साढे ९ बजे मृत्यु भएको हो ।
गएराती ९ बजे तल्लो डुम्रे खर्कबाट माथिल्लो डुम्रेखर्क तर्फ दाउरा लोड गर्न जाँदै गरेको ग १ त ५४४५ नम्बरको ट्रयाक्टरबाट श्रेष्ठ खसेकी थिइन् ।
दुर्घटनामा संलग्न ट्रयाक्टरसहित चालक इलाका प्रहरी कार्यालय भानुको नियन्त्रणमा रहेका छन् ।
